Vefurinn endurhannaður

Ég er að endurhanna vefinn þessa dagana og um leið setja inn fullt af nýju efni. Þetta tekur smá tíma en ætti að verð a mikið betra á eftir.

Stop stealing dreams – Hættið að stela draumum

20120310-180038.jpgÉg rakst á grein um þetta manifesto: Stop stealing dreams eftir Seth Godin á síðunni sfjalar.net. Þetta manifesto hefur verið að vekja mikla athygli undanfarið í vefumræðu um þróun skólastarfs. Ég er búinn að renna yfir u.þ.b. fjórðung og finnst þetta nægilega áhugavert til að mæla með þessu. Það má segja að hér sé á ferðinni samansafn af stuttum greinum um þróun skóla hingað til og hugmyndir um hvernig skóli ætti að vera frá sjónarhóli manns sem stendur utan við skólakerfið að einhverju eða miklu leyti.

Tengillin hér að ofan vísar á síðu þar sem er hægt að sækja sér þetta rit á mörgum mismunandi rafrænum formum allt eftir því hvaða tæki þið viljið nota til lestursins.

 

Pöddurnar komnar í fulla sveiflu

20120310-182653.jpg

Í Langholtsskóla erum við með 6 iPad spjaldtölvur sem við erum að prófa í hópavinnu. Fjölbreytt og skemmtileg verkefni í gangi. Dásamlegt að sjá hversu lítið þessi tæki eru að þvælast fyrir í vinnunni. Í augnablikinu er 5. bekkur að vinna Stop Motion mynd. Nemendur hafa undanfarnar vikur verið að búa til leikmuni og persónur í hringekjuvinnu um landnámið. Í kjölfarið var sagan teiknuð á söguborð og nú er verið að gæða persónurnar lífi. Þar koma spjaldtölvurnar sterkar inn. Í 10. bekk er verkefnið að taka upp útvarpsleikrit sem er í raun ritunarverkefni sem verið er að leiklesa og bæta við tólist og umhverfishljóðum. 8. bekkur er svo að búa til hreyfimynd og semja við hana tónlist. Það er vinna sem verður gaman að sýna þegar henni er lokið. Nú er bara spurningin sem er ósvarað. Hvernig þola pöddurnar þetta álag?

Myndbandið hér að ofan sýnir vinnu nemenda í 7. bekk annarsvegar þar sem nemendur eru að semja og taka upp tónlist fyrir kvikmyndabút og svo hinsvegar 8. bekk í hreyfimyndagerð þar sem verið er að vinna með íslenskar þjóðsögur, allar persónur eru handteiknaðar á pappír og litaðar og skannaðar beint inn í iPad. Í tónment semja nemendur stef fyrir hverja persónu og tónlist fyrir myndina sem ennig er spiluð og tekin upp á spjaldtölvuna.

Ég vona að myndbandið sýni hvernig tæknin er notuð sem er notuð sem eitt verkfæri í hinu skapandi ferli en alls ekki ekki eitthvað sem allt snýst um. Það er kjarninn í því sem viljum gera. Við viljum ekki að tækni flækist fyrir heldur stytti leiðina fyrir okkur í sköpunina. Það sem enn skiptir höfuðmáli er að geta teiknað, hafa gott auga fyrir myndefni, skilja tónlist og geta sungið og spilað á hljóðfæri.

Framtíð kennslubókarinnar

Í síðustu viku var Apple með klukkutíma kynningu frá New York á þeirri sýn sem þeir hafa á kennslubækur. Þessi kynning var mjög áhrifamikið útspil sem þar sem andinn var: Við erum búnir að endurhannakennslubókina, gerið þið svo vel, byrjið að vinna.

Ef við tökum saman lykilatriðin í kynningunni þá voru þau.

1. Þeir settu í sölu helling af kennslubókum á margmiðlunarformi sem ná yfir mjög vítt svið þannig að nemendur geta nú þegar byrjað að nota efni á þessu formi.

2. Þeir settu þak á verð (14.99 dollara)

3. Þeir gáfu kennurum og öðrum þeim sem hafa áhuga á að búa til efni á  þessu formi tól til þess með iBook Author.

4. iTunes U sem er skólaútgáfa af iTunes til að koma efninu til nemenda og kennara. Auk þess sem þeir eru með iTunes dreifikerfið sitt sem er i mjög almennri notkun hjá nemendum nú þegar.

Sigurður Fjalar skrifar fína grein um þetta útspil Apple á síðuna sína og fer m.a. yfir gallana sem fylgja því að Apple er með þessu að binda viðskiptavini, í þessu tilviki nemendur og kennara, við að nota þjónustur og jafnvel búnað sem þeir bjóða upp á.

Hér er tengillinn inn á kynninguna frá Apple (svoldið langt – 60 mín)

Hér er tengill inn á kynningu á iBooks Author sem er tólið sem Apple er að gefa skólakerfinu til að setja saman efni.

Stafræn miðlun og sköpun í námi.

Hér fer tengill í áhugaverða grein í The Guardian: Get creative in school with digital media þar sem fjallað er um mikilvægi þess að nemendum sé kennt að vera skapandi með notkun stafrænna miðla, ef það er þá hægt? Það er meðal annars bent á að á meðan samdráttur er á flest öllum sviðum þá sker einn iðnaður sig úr þ.e. hinn skapandi iðnaður. Þar hefur störfum fjölgað. Stafræn miðlun og tækninýjungar á því sviði eru miklir áhrifavaldar í þessari þróun. Hvernig eru skólar að mæta þessu? Það er spurning hvort sköpunarstoðin verði ekki sú almikilvægasta í skólum sem horfa til framtíðar?

Eru iPöddur stærsta tækninýjungin sem skólar hafa séð síðan myndvarpinn kom til sögunnar?

Ég rakst á þessa grein: Math that moves: Schools Embrace the iPads, á vef The New York Times. Hér er verið að fjalla um hvernig skólar eru að hlaupa til og fjárfesta í iPad spjaldtölvum fyrir nemendur sína. Það eru margir sem sjá mjög mikla spennandi möguleika í notkun þessara tækja en það er einnig bent á það í greininni að það eru engar rannsóknir ennþá sem sýna fram á gildi tækisins fyrir nám nemenda.

Þetta var tekið niðri á strönd í Portsmouth. Við hjónin í góðu stuði.