Gott kaffi

Vefurinn endurhannaður

bjorgvinivar — Sun, 27 Jan 2013 15:00:36 +0000

Ég er að endurhanna vefinn þessa dagana og um leið setja inn fullt af nýju efni. Þetta tekur smá tíma en ætti að verð a mikið betra á eftir.

Adobe Photoshop

bjorgvinivar — Mon, 14 Jan 2013 13:40:44 +0000

Það má kannski segja að þetta forrit sé það sem öll önnur myndvinnsluforrit hafa miðað sig við í gegnum tíðina. Við höfum notað þetta í vinnu með nemendum í frá 5. – 10. bekk og það gengur vel upp. Kostirnir eru að þetta forrit tæki fyrir atvinnufólk og möguleikarnir eru óendanlegir. Það er einnig til fyrir bæði Windows og Apple stýrikerfi. Ókostir eru hinsvegar að það er dýrt í innkaupum og þessvegna ekki alltaf aðgengilegt. Valkostir sem vert er að skoða og kosta minna eru t.d.
Gimp (opið og frítt)
Photoshop Express editor (á neti, frá Adobe, ókeypis)
PIXLR EDITOR (frír og á neti)

GarageBand

bjorgvinivar — Mon, 14 Jan 2013 13:31:07 +0000

Fjölrása upptökubúnaður sem til er fyrir Apple tölvur og Apple snjalltæki (iPad, iPod og iPhone) Mjög notendavænn og þægilegur í notkun. Útgáfan fyrir snjalltækin er minni í sniðum en býður upp á þann skemmtilega mögleika að hafa innbyggð hljóðfæri sem nýtir snertiskjáinn þannig að hægt er að spila á þau.

Stop stealing dreams – Hættið að stela draumum

bjorgvinivar — Sat, 10 Mar 2012 14:35:06 +0000

Ég rakst á grein um þetta manifesto: Stop stealing dreams eftir Seth Godin á síðunni sfjalar.net. Þetta manifesto hefur verið að vekja mikla athygli undanfarið í vefumræðu um þróun skólastarfs. Ég er búinn að renna yfir u.þ.b. fjórðung og finnst þetta nægilega áhugavert til að mæla með þessu. Það má segja að hér sé á ferðinni samansafn af stuttum greinum um þróun skóla hingað til og hugmyndir um hvernig skóli ætti að vera frá sjónarhóli manns sem stendur utan við skólakerfið að einhverju eða miklu leyti.

Tengillin hér að ofan vísar á síðu þar sem er hægt að sækja sér þetta rit á mörgum mismunandi rafrænum formum allt eftir því hvaða tæki þið viljið nota til lestursins.

iMovie

bjorgvinivar — Fri, 09 Mar 2012 13:23:03 +0000

iMovie er forrit fyrir Apple tölvur og einnig til sem App fyrir iPad, iPod og iPhone snjalltæki. Þessi hugbúnaður er sérlega notendavænn og þar af leiðandi mjög þægilegur í notkun í skólastarfi. Helsti gallinn er að hann er einungs til fyrir Apple tölvur og Apple snjalltæki.

Kjalnesinga saga

bjorgvinivar — Tue, 28 Feb 2012 10:35:11 +0000

Á hverju hausti er Kjalnesinga saga kvikmynduð af nemendum 9. bekkjar í Langholtsskóla. Nemendur vinna í hópum með afmarkaðan þátt sögunnar. Eftir að bókin hefur verið lesin, handrit skrifað og kvikmyndatakan undirbúin er einn dagur tekin í það að ferðast á raunverulegar söguslóðir Kjalnesinga sögu til að kvikmynda. Eftirvinnslan fer svo fram í skólanum. Nemendur sjá alfarið um alla vinnu.

Þetta myndband var tekið upp og unnið haustið 2011.

Stikla úr Snorra sögu

bjorgvinivar — Tue, 28 Feb 2012 10:31:59 +0000

6. bekkur í Langholtsskóla vinnur kvikmynd. Það hefur skapast ákveðin hefð fyrir því að saga Snorra Sturlusonar sé kvikmynduð. Áherslan í verkefninu er á handritsgerð, undirbúning s.s. búninga og aukahluti og kvikmyndun. Kennari fer með nemendum út til að kvikmynda, pælingar með sjónarhorn, liti og myndbyggingu eru í hávegum hafðar. Myndbandið hér að ofan er stikla sem sýnir ættirnar sem voru hvað mest ráðandi á tímum Snorra og var hún notuð í markaðsetningu á frumsýningu myndarinnar sem var á sal skólans. Fjölskyldum nemenda var boðið og salurinn fylltist.

Your Song

bjorgvinivar — Tue, 28 Feb 2012 10:25:32 +0000

Enskuverkefni í 10. bekk. Túlkun á dægurlagatexta. Í þessu verkefni völdu nemendurnir sér að vinna Stop Motion myndband. Við viljum að nemendur sem eru komnir í 10. bekk hafi aðgang að aðstæðum hjá okkur og getuna til að vinna sjálfstætt verkefni eins og þessi ef þeir ákveða að þetta sé rétta leiðin til að koma pælingunum sínum á framfæri.

Ferðalagið

bjorgvinivar — Tue, 28 Feb 2012 10:21:24 +0000

5. bekkur. Verkefni unni í listasmiðju með Stop Motion tækni. Við byrjum á því að vinna kvikmyndir á þennan hátt með 5. bekk. Hér kynnast nemendur í fyrsta sinn hjá okkur hugbúnaði til að klippa og hljóðsetja kikmyndir. Það er er sérstaklega gaman að skoða þetta verkefni út frá handritinu. Hópurinn fékk landsvæði, átti að búa til mynd um ferðalag þangað og nýta þær upplýsingar sem í hópnum bjuggu. Verkefnið er tengt landafræðinni sem börnin voru að vinna með þennan vetur. Þessi hópur fékk Snæfellsnes til að vinna með. Hópurinn vissi um svo margt skemmtilegt norðan og austan við Snæfellsnesið að til þess að koma því öllu inn var norðurleiðin valin fyrir ferðalagið. Hér má finna hluti eins og frægar ísbúðir og vísanir í dæagurlaga texta o.fl.

Fyrirlestur – HÍ – Febrúar 2012

bjorgvinivar — Tue, 28 Feb 2012 09:51:40 +0000

Upptaka af fyrirlestri.
Námskeið: Nám og kennsla unglinga.
Menntavísindasvið Háskóla Íslands. Febrúar 2012.

Fyrir síðari hluta vísa ég á flipann Nemendur. Umræðupunktar fylgja myndböndum.