Við höfum prófað allskonar hugbúnað í gegnum tíðina, bæði í vinnu með nemendum og í okkar eigin verkefnum. Nú hafa svo spjaldtölvurnar komið til sögunnar og við erum enn að prófa nýja hluti. Það er aldrei neitt stopp í þessu og maður þarf alltaf að vera tilbúinn að gera hlutina öðruvísi á morgun en maður gerði þá í gær. Undir flipanum hugbúnaður deilum við reynslu okkar af hugbúnaði og öppum sem við höfum notað með nemendum.

"Learning content is a 20th-century idea, while learning how to produce the content is a 21st-century skill" Ég veit ekki hvaðan þetta kemur enn þetta nær einhvernvegin kjarnanum í okkar sýn á kennslu og stafræna miðlun. Á blogginu eru allar nýustu pælingarnar okkar um stafræna miðlun í skólastarfi. Tékkið á því.

Það er ekki sjaldan sem maður maður hefur heyrt vitnað  í Henry Louis Mencken sem sagði einhverntíma "Those who can, do. Those who can't, teach," Það er nú ekki fyrir hvern sem er að kenna en sannleikurinn er sá að getur ekki alltaf bara kennt heldur er manni hollt búa til sjálfur og reyna á eigin skinni það sem maður kennir. Við höfum unnið mörg og mismunandi verkefni á sviði stafrænnar miðlunar og hluta af því má sjá undir flipanum "okkar stöff"

Hugsuðurinn og blaðamaðurinn Henry Louis Mencken lét hafa eftir sér: "Freedom of press is limited to those who own one". Það er augljóst að það er enn fullt af fólki sem trúir þessu og er til í að koma nakið fram til að eignast fjölmiðil. Stafræni heimurinn sem við lifum í gefur almenningi einstaka möguleika á að tjá skoðanir sínar og taka þátt í samfélagsumræðu, í rituðu, myndrænu og hljóðrænu formi. Skólinn er ein af þeim stofnunum sem á að stuðla að jafnrétti m.a. með því að undirbúafólk undir virka þátttöku í samfélaginu. Þessvegna er mikilvægt að nemendur læra að nota mismunandi stafræna miðla markvisst og á viðeigandi hátt og tileinki sér góða siði við notkun þeirra.